GOUDEN LEGPENNING STAD GENK VEUR AMMEZÉVOE!
'Nne sjoenere pries kós Ammezévoe ziech neet winse es die groete oondersjeijing die eder jaor in Genk(belsj) weurt oetgereik aon iemes in de euregio dee ziech op verdeenstelijke wijs heet woergemaak! DE GOUDEN LEGPENNING VAAN DE STAD GENK,velt dit jaor us te beurt.Gruutser es gruuts kinne veer neet zien.Veer zien 't es 'n bekroening op us werrik vaan de aofgelaope vief jaor.
Zaoterdag aonstaonde ,21 Jannewarie kriege veer de legpenning oetgereik in bijzien vaan de börrigemeister en wethawwers,en de vastelaovendsvereiniging ,De spasbinken oet Genk.
De historie vaan uzze groep!
Ammezévoe heet ’t muzikaal levensleech gezeen in Juni 2007.
Veur de flawwekól woort e leedsje inein gefisternóld boe 24 titels vaan bekinde mestreechterleedsjes waore verwerrik.
Ales woord veurgezag en ’t publiek zoong ’t nao.
En zuug de mestreechterleedsjeswals waor e feit!
Op tiedvaan ’n oor waore 100 cdkes verkoch,en n’ne nuije Mestreechtergroep,en n’ne hit waor gebore.
Iers oonder de naom Maurice en de Haonekemkes,meh in Jannewarie 2008 umgeduip tot Ammezévoe umdat veer dee naom beter bij us voonte passe.
In dat zelfde jaor woort vaan ‘n zesmansformasie ein vaan veer gemaak.Nao e paar single cd’s woort ’t in Mei 2009 tied veur ’n album dat de naom SAME GENETE met kraog. September 2010 brachte veer ’n nuij singleke oet met twie nuij nómmers,OONDER DE STERRE VAAN CORFU en LAOT DE BOEL MER LEKKER WEIJE.Weijer heet Ammezévoe noe dreij kier met gedoon aon ’t Mestreechsvastelaovendleedsjes konkoer en haolde aofgelaope kier de derde plaots met ,KIEK INS OP DE KLOK.
En met dat nummer stoond Ammezévoe in de halve finale vaan ’t LVK 2011.
 | Abonneer op onze newsfeed |
Laatste wijziging op woensdag 21 september 2011 om 20:02:32 uur.
Aantal bezoekers vandaag: 1 - in totaal: 3676.